ليه أتواجد على Google؟
By admin | Created at 2019-11-17

ليه أتواجد على Google؟

وجود الـ Business بتاعك على محركات البحث حاليا بقي عامل أساسي لنجاحه..

خصوصا لو بتقدر تستخدم  Google Ads

فجوجل بمثابة فرع جديد لخدمتك أو منتجك على مستوي العالم

وفي المقال ده هنعرفك بـ ايه هي Google Ads وليه لازم تستخدمها

 

أولا: ايه هي إعلانات جوجل (Google Ads

بتتكون بشكل رئيسي من شبكتين للإعلان:

 الأولى: هي شبكة البحث: بمعنى إن موقعك الإلكترونى يظهر للباحثين عن خدماتك أومنتجاتك على جوجل

 وده عن طريق استهداف key words محددة بناء على معرفة حجم البحث عنها في الدول اللي انت عاوز تبيع فيها، زي المواقع اللي بتظهر لك في أول الصفحة لما تيجي تعمل search وبيتكتب جنبها Ad في مربع صغير.

التانية: شبكة العرض واللي بتخليك تحصل على زيارات لموقعك عن طريق إظهار إعلاناتك الدعائية في شكل صور تظهر لعملاء محتملين بتستهدفهم عن طريق (الإهتمامات - كلمات بحثية - مواقع وتطبيقات محددة)، زي الإعلانات اللي بتظهر لك على يوتيوب أو المواقع الإخبارية مثلا أوالـ Mobile Apps.

 

ليه Google Ads هي الوسيلة الأقوي في جلب العملاء؟

 

1- محرك البحث جوجل يعتبر من أول 5 مواقع استخداماً في أغلب دول العالم، وعدد مستخدميه وصل لأكثر من 16 مليار مستخدم شهرياً بمعنى أنه كل ثانية بيحصل حوالي 7000 عملية بحث !

بالتالي استخدامك للـ ADS عليه هيساعد أكتر في ظهورك للعملاء.

 

2- عميلك هو اللي بيدور عليك مش أنت اللي بتحاول توصل له وتقنعه بخدماتك، فإحتمالية أنه يشتري بتكون أكبر، وطبعا دا مش بيحصل من غير استهداف دقيق عن طريق الاهتمامات والسن ومكان التواجد والنوع وأكيد الكلمات البحثية.

 

3- الـ Feed back بتاعة إعلانات جوجل بتكون فورية، يعني انت بمجرد ما بتشغل الحملة موقعك بيظهر في النتائج في لحظتها، على عكس الـ SEO اللي نتائجه بتظهر بعد وقت طويل.

يعني لو عندك تارجت لازم يتحقق في مدة قصيرة عليك وعلى إعلانات جوجل.

 

4- هتقدر تشغل حملتك الإعلانية وتوقفها في أي وقت، وبالتحليل هتعرف أنهي أنسب وقت من حيث تحقيق العوائد.

 

5- هتتحكم في الميزانية وتحط المبلغ المناسب لإمكانياتك من غير ما يكون فيه حد أدنى ليها، وكمان هتختار الطريقة الأنسب ليك للحساب من بين اختيارات متعددة زي (إنك تتحاسب على المشاهدات - النقرات - الزائر اللي يبعتلك بياناته عشان تتواصل معاه وغيره).

 

6- تقدر تقيس عوائد الإعلان على إستثمارك (ROI) من خلال تحليلات دقيقة ومفصلة عن كل عوامل الاستهداف، زي الكلمات البحثية والفئات العمرية والنوع وتوقيت تفعيل الاعلان والمناطق الجغرافية.

 بمعنى إنك بتقدر تعرف حجم العائد اللي جه من خلال كل عامل من دول..يعني عدد المشاهدات impressions والنقرات clicks ومتوسط سعرها والـ CTR ( نسبة النقر للظهور، أي عدد النقرات على إعلان معين مقسومة على عدد مرات ظهوره).

 وده بيخليك تقدر تتحكم في الاستهداف بتاعك بالتعديل في أي وقت فتوقف الاستهداف اللي عوائده منخفضة أوتكلفته عاليه وتزود فرصة الاستهداف اللي عوائده عالية وتكلفته منخفضة.

 

7- إعلانك على جوجل ممكن يكون له دور قوي في زيادة حجم مشروعك لكذا سبب:

أولا: تقدر تعمل Branding لشركتك بتكلفة مش كبيره خالص وعلى نطاق واسع جدا
ثانياً: تقدر تعتمد عليه في مبيعاتك واتأكد انها هتزيد
ثالثا: بيديك ربح أكتر بتكلفة أقل، لأنه بيوفر لك في حجم الإنفاق على التسويق عن طريق انه بيحاسبك لما يتحقق شرط الدفع اللي انت محدده وبس (مشاهده، زيارة، تحويل).

 

ببساطة..مستحيل تخسر فلوسك اللي بتستثمرها في إعلانات جوجل..

ولو خايف من المخاطرة .. Masters هتساعدك تحقق المطلوب 

 

اقرأ كمان:  ازاي تختار الــ Social Media Platform الأنسب للـ Business بتاعك